Энэ өдөр 12 цаг 40 мин-д Ази Европ тивийн хооронд байрлах Турк улсын Истанбул хотод бууж буудалдаа очиж хэсэг амраад худалдаа хийх боломжтой. Истанбул хот нь задгай, битүү захууд болон гоёмсог нэрийн дэлгүүрүүдээрээ дэлхийд алдартай. Истанбул молл нь дэлхийн хамгийн том худалдааны төвүүдийн нэг ба дэлхийн алдартай брэндүүдийн төрөл бүрийн барааг худалдан авах боломжтой. Дэлгүүр хэсэгчдийн диваажин гэж нэрлэгддэг уг хотын зах худалдааны төвүүдээс мөнгөн эдлэл, арьсан цүнх, гутал, нэхий, сайн чанарын хувцас, даавуун эдлэл зэргийг хямд үнэ, өргөн сонголттойгоор худалдан авах боломжтой.

Энэ өдөр Истанбул хотын аялал хийнэ.1453 Панорама музей үзнэ мөн Султан ахметийн сүмийг үзнэ. Турк улсад очсон хүний заавал үзэх газрын нэг бол уран барилгын хосгүй үнэт өв болох Султан Ахмедын сүм юм. Цэнхэр сүм хэмээн алдаршсан уг барилга нь архитекторын уран тансаг байдлаараа гайхамшигтай.Уг сүмийн цогцолборт Султаны бунхан байрладаг. Ер бусын сүрлэг бөмбөгөр дээвэр нь биширмээр. Османы эзэнт гүрний хаанаар 14 насандаа өргөмжлөгдсөн Султан Ахмедыг 19 настай байхад уг сүмийг барьж дуусчээ. Уран барималч Сэдэфкар Мэхмэтийн зургаар уг сүмийг бүтээжээ. Уран баримлын гайхамшиг болсон сүмийн дотор талыг гоёмсог хийцтэй цэнхэр шаазангаар бүтээсэн байна. Уг сүмд  гутлаа тайлж орох бөгөөд лалын шашны заншил ёсоор эмэгтэй хүн урт юбка болон үсээ далдалсан алчууртай ордог байна. Үүний дараа Ариун София сүмээр зочилно. Уг сүм нь 1520-иод он хүртэл дэлхийн хамгийн том сүм хэмээгддэг байсан. Анх Византын үеийн хамгийн алдартай Христийн сүм байсныг Арабууд эзлэн авсаны дараа Мусулман сүм болгон өөрчилсөн байна. Гэхдээ сүмийн хаалганы дээрээс Христ хүүгээ тэвэрсэн Мария эх, баруун талаас нь Константинополь хотын загварыг барьсан Константин хаан, нөгөө талаас нь Гэгээн Софийн дүрсийг гартаа барьсан Юстинанин хааны дүр урласныг тэд хөндөөгүй хэвээр хадгалагдан үлджээ. Ийнхүү Христос шашны дөрвөлжин сvмийн онцлогийг устгаж үгүй болголгүй Мусулман шашны бөмбөгөр оройтой сүм болгож дэлхийн соёл урлагийн сор болгон үлдээжээ.Дараа нь 1 цаг 30 минут үргэлжилэх Босфорын хоолойн усан онгоцны аялалд явна.Оройн хоолоо далайн эргийн загасны ресторанд иднэ.

Энэ өдөр Истанбул хотоос Сапанка нуурын эрэг дээр орших ой модоор хүрээлэгдсэн гайхамшигтай Сапанка хот руу явах болно. Цэвэр агаарт гарч  нам гүм, ногоон энэ хот таныг  хөл хөдөлгөөн ихтэй метрополисоос түр амсхийж, уул, хөндий, хүрхрээ, ой, тунгалаг устай цэнгэг уст нуурыг үзэн алжаалаа тайлан амрах боломжтой. Цэвэрхэн гоёмсог гудамжаар алхан, хуучин байшингуудыг сонирхонгоо нутгийн иргэдийн амьдралыг ажиглах боломжтой. Уламжлалт вааранд шарсан нуурын загасыг амтлана.Мөн Бяцхан Хоббитын гэрүүд, амьтны хүрээлэн, Шилэн гүүр зэргийг үзэж сонирхоно. Мөн ойн дундуур АТҮ машинаар зугаалж, Зиплинг хийх боломжтой.

 

Энэ өдөр бүтэн шоппинг хийнэ.

Энэ өдөр 12 цагт буудлаа хүлээлгэж өгнө.Нутаг буцна.