ДЭЛХИЙН ХАМГИЙН ҮЗЭСГЭЛЭНТЭЙ ТРЕВИ УСАН ОРГИЛУУР

Треви усан оргилуур нь Ромын хамгийн эртний усан байгууламжуудын нэг юм. Усан оргилуурыг гурван замын уулзварт барьсан бөгөөд Гурван гудамжны усан оргилуур гэж нэрлэжээ. Уг алдарт усан оргилуурыг барьсан Салви анх архитектор биш байсан ба 1730 онд Пап лам Клеменс XII шинэ усан оргилуур зохион бүтээх уралдаан зарлав. Тус уралдаанд олон алдартай архитекторууд оролцсон боловч эцэст нь Никола Сальви усан оргилуурыг зохион бүтээх эрхийг авчээ. Алдарт одон орон судлаач Галилеотой нэг гэр бүлээс гаралтай архитектор Алессандро Галилей уг төслийн комисст ялсан боловч олон нийтийн эсэргүүцэлтэй тулгарсны дараа уг ажлыг Сальвид өгсөн юм. Олон нийтийн эсэргүүцлийн шалтгаан юу вэ? Галилей Флоренц хүн байсан бол Салви Ромын уугуул хүн байжээ. Харамсалтай нь Сальви усан оргилуураа баригдаж дуусахыг харж чадсангүй түүнийг  нас барснаас хойш 11 жилийн дараа буюу 1762 онд шинэ Треви усан оргилуурыг албан ёсоор  нээжээ. Треви усан оргилуурыг Колизейтэй ижил барилгын материалаар барьжээ. Усан оргилуурыг травертин чулуугаар барьсан бөгөөд энэ нь Латинаар "Тиберээс" гэсэн утгатай. Маш их хэмжээний ус хэрэглэдэг . Треви усан оргилуур нь 26 м өндөр, 20 м өргөн юм. Олон эх үүсвэрээс усыг нь шахдаг ба урд талын том усан сан бүхий усан оргилуураас өдөр бүр ойролцоогоор 2,824,800 шоо фут ус оргилдог!  Хүмүүс  өдөр бүр ойролцоогоор 3000 евро шиддэг. Усан оргилуур руу шидсэн зоос нь Ром руу буцах баталгаа болно гэж домогт өгүүлдэг. Энэ уламжлал нь эртний Ромчуудаас эхтэй бөгөөд усны бурхдыг аяллыг таатай болгох буюу гэртээ аюулгүй буцаж ирэхэд нь туслах зорилгоор усанд зоос шиддэг байжээ. Хэрэв та хайраа хайж байгаа бол хоёр зоос шидээрэй! Ихэнх хүмүүс усан оргилуурт шидсэн зоосыг орой бүр цуглуулж, Каритас хэмээх Италийн буяны байгууллагад өгдөг гэдгийг мэддэггүй байх ... Тревигээс зоос хулгайлах нь гэмт хэрэг хууль бус үйлдэл юм. Хулгайч нар шөнө оройн цагаар усан оргилуураас зоос шүүрдэж гарган хулгайлдаг байсан ба хамгийн алдартай хулгайч нь д'Артаньян хочоороо алдартай байв. Тэрээр 2002 оны зун баригдахаасаа өмнө усан оргилуураас 34 жилийн турш зоос хулгайлсан байна. Мөн уг усан оргилуур нь маш олон алдартай кинонд гардаг.